Білім жаңалықтары
03.09.2026 | 31
Талқылау қиын сұрақтар болады: Жастар денсаулық орталықтары қалай көмектесе алады
Талқылау қиын сұрақтар болады: Жастар денсаулық орталықтары қалай көмектесе алады
Есею кезеңінде ағзадағы өзгерістерге, эмоциялық жағдайға, ата-аналармен және құрдастармен қарым-қатынасқа, жеке шекаралар мен денсаулыққа байланысты көптеген сұрақтар туындайды. Олардың барлығын жақын адамдарға немесе достарға айту оңай бола бермейді. Мұндай жағдайда жасөспірімдер мен жастар Жастар денсаулық орталығына (ЖДО) жүгіне алады.
Жастар денсаулық орталықтары 10 жастан 35 жасқа дейінгі жасөспірімдер мен жастарға қызмет көрсетеді. Мұнда қолайлы әрі мейірімді жағдайда медициналық, психологиялық және әлеуметтік көмекті тегін алуға болады.
Қандай мәселелер бойынша жүгінуге болады
ЖДО-ға тек күрделі немесе дағдарыстық жағдайда ғана жүгіну міндетті емес. Сізді мына мәселелер алаңдатса, мамандар көмек көрсете алады:
- мазасыздық, күйзеліс немесе көңіл күйдің төмендеуі;
- ата-аналармен немесе құрдастармен келіспеушіліктер;
- буллинг және қарым-қатынас жасаудағы қиындықтар;
- есею кезеңіне байланысты өзгерістер;
- репродуктивтік денсаулық мәселелері;
- тері жағдайы;
- жеке шекаралар және қауіпсіз қарым-қатынас;
- денсаулық пен жалпы көңіл күйге қатысты басқа да сұрақтар.
Кеңесті психологтер, дәрігерлер, гинекологтер, урологтер, дерматовенерологтер, әлеуметтік қызметкерлер және басқа да мамандар береді.
Тегін және құпия түрде
Жастар денсаулық орталықтарында көмек тегін көрсетіледі. Мамандар құрметпен, айыптамай қарым-қатынас жасайды және Қазақстан Республикасының заңнамасына сәйкес құпиялылықты сақтайды.
Ата-аналар да жасөспіріммен қарым-қатынас жасау және оған қиын жағдайда қолдау көрсету мәселелері бойынша ұсынымдар алу үшін ЖДО-ға жүгіне алады.
Қалай жүгінуге болады
Өзіңізге жақын орналасқан Жастар денсаулық орталығын тауып, телефон арқылы немесе оның ресми парақшасы арқылы байланысыңыз және жұмыс кестесі мен қабылдауға жазылу тәртібін нақтылаңыз.
ЖДО-лардың мекенжайлары мен байланыс деректерін осы жерден немесе QR-кодты сканерлеу арқылы табуға болады:
«Тең - теңіне» қағидаты дәрігерлерді, психологтерді немесе педагогтерді алмастыруға бағытталмаған. Бұл денсаулық туралы сенімді ақпаратты жастарға жақын әрі түсінікті етуге, ал кәсіби көмекке жүгінуді қалыпты және табиғи әрекетке айналдыруға мүмкіндік береді.
-
-
01.09.2026 | 24
Жаңа оқу жылы: Қазақстанда 57 жаңа мектеп ашылды