Білім жаңалықтары
16.04.2025 | 131
Ғани Бейсембаев педагог-ғалымдармен кездесіп, педагогика ғылымын дамытудың өзекті мәселелерін талқылады
Ғани Бейсембаев педагог-ғалымдармен кездесіп, педагогика ғылымын дамытудың өзекті мәселелерін талқылады
Оқу-ағарту министрі Ғани Бейсембаев еліміздің ғылым мен білім саласында еңбек етіп жүрген педагог-ғалымдармен кездесу өткізді. Басқосу барысында министр педагогика ғылымының даму басымдықтары мен өзекті мәселелеріне тоқталып, білім беру жүйесінің сапасын арттыру жолында атқарылуы тиіс міндеттер туралы айтты.
Кездесуге еліміздегі мұғалімдер даярлайтын жоғары оқу орындарының басшылары мен ғалымдар онлайн форматта қосылып, ой-пікірлерін білдіруге мүмкіндік алды.
Басқосу барысында Ғани Бейсембаев педагогика ғылымының білім беру жүйесіндегі орны мен маңызын ерекше атап өтті. Министрдің айтуынша, білім саласын дамыту терең ғылыми зерттеуге, жүйелі тәжірибеге және тиімді ынтымақтастыққа негізделуі тиіс.
«Білім беру жүйесінің іргесі – ғылымға сүйеніп қалануы тиіс. Педагогикалық зерттеулердің мазмұны мен нәтижесі баланың дамуына бағытталуы қажет. Сондықтан балабақшадан бастап мектеп, колледж жоғары оқу орындарымен, ғылыми-зерттеу институттарымен бірлесе жұмыс істеуі керек. Себебі, педагогикалық зерттеулер тәжірибемен ұштастырылып жасалуы тиіс. Мұндай өзара ықпалдастық білім беру сапасын жаңа деңгейге көтеруге мүмкіндік береді», – деді министр.
Сондай-ақ министр мемлекет тарапынан білім мен ғылымға көрсетіліп жатқан қолдауларды да атап өтті. Қазіргі таңда халықаралық деңгейде жеңіске жеткен жас зерттеушілер мен оларды дайындаған ұстаздарға бір реттік сыйақы беру тетігі заң жобасы аясында қарастырылып жатыр. Бұл – өскелең ұрпақты ғылымға баулуға, дарынды балалардың әлеуетін ашуға бағытталған маңызды қадам.
Жиын соңында министр Ғани Бейсембаев білім беру мен ғылымды дамытуға үлес қосқан бірқатар педагог-ғалымдарға ведомстволық наградалар табыстап, олардың кәсіби еңбегін жоғары бағалады.
-
-
25.04.2025 | 74
Жайлы мектептердің жартысына жуығы ауылдарда салынуда
-
23.04.2025 | 115
КҮН САНЫ